الفنان عاصم البنا ينفي شائعة وفاة د. عمر محمود خالد
رصد: ألوان
نفى الفنان المعروف عاصم البنا شائعة وفاة الأديب والشاعر جهير السيرة د. عمر محمود خالد. وكتب البنا على صفحته الرسمية بالفيسبوك المنشور التالي: (بسم الله الرحمن الرحيم
ياجماعة الخير يا اخواني اخواتي وشعب بلادي
دكتور عمر محمود خالد بخير
بصحة وعافية بحمدالله
الوسائط والسوشيال ميديا خلقت لاهداف كلها مكاسب ماديك ومعنوية وتعليمية وعملية وعلمية
من القليل جدا من شعوب العالم بالمقارنة اري استعمالها بشكل مسيء وقاتل لتصفية الحسابات المجتمعية والسياسية واللا اخلاقية وغيره كما يحدث عندنا في ذا الزمن الاغبر ..
كللللو عرفنا وضحكت فينا شعوب العالم المحترمة،،
ماعندهم زمن زاتو يتابعوا الشغلة الميتة لعديمي الشغلة دي .
كل زول داير يكسب له لايكات يطلع لينا بخبر وفاة غير حقيقي ولا عرض من اعرض زول ولا شكلة بين اتنين علي الهواء امام الملا ولا
ولا ولا ولا من القرف البيحصل
دا
دكتور عمر محمود خالد الف مرة قتلتموه بلا سبب الف مرة وهو بصحة وعافية
وكم وكم تمناها لكم بشكل يومي
الا من رحم ربي ولا يقدر المعروف ..
وقبلها كثيرون من اعلام بلادي من ازعجتم اهلهم واحبابهم
ماذا استفدتم غير لعنات المخلوعين بسببكم بلا سبكم والدعاء عليكم
.
اتقوا الله
الناس عندهم اسر واحباب واهل
تشمتوا فينا خلق الله والاعداء.
احسنوا النشر استوثقوا تحروا من المعلومات
نحن ماشين علي زمن التكنلوجيا توثق فيه كل نفس طالع ونازل
وثقوا لينا السيرة الطيبة والصور الجميلة لشعبنا وتربيتنا واخلاقنا
اسحبوا البساط من الناقصين والناقصات .. وابقوا زي ما خلوا ليكم اهلكم السابقين
السوداني كان بيتوصف به الشارع بل والحي باكمله
تعبنا والله تعبنا
حرام عليكم ياخ).